Тоосноос хамгаалах маскны стандартууд

Тоосноос хамгаалах маскнууд нэг удаагийн болон олон удаагийн гээд олон төрөл байдаг бөгөөд тэдгээрт АНУ, Европын холбооны, Австрали улсын тогтоосон олон стандартууд үйлчилдэг. Эдгээр стандартуудыг мэдснээр та бүхэн өөрсдийн аж үйлдвэрт тохиромжтой аль төрлийн маскийг хэрэглэж болох сонголтыг хийхэд тань бага ч болов дөхөмтэй байх болов уу. Үүнд:
АНУ-ын NIOSH (Америкийн мэргэжлийн эрүүл мэнд аюулгүй байдлын хүрээлэн)-ийн гаргасан стандарт
Энэхүү стандарт нь маскыг N, R, P гэж 3 төрөлд хуваана. Эдгээр гурван төрөл нь дотроо шүүх чадамжаараа дахин 95%, 99%, 100% гэж хуваагдана. Монголд ихэвчилэн хэрэглэдэг маск болох N95 төрлийн маск нь жишээ нь тослог бус ширхэглэлтэй орчинд тоос шороог 95% хүртэл шүүдэг байна.
N-( Not for oil)-тослог бус ширхэглэлтэй орчинд хугацааны хязгааргүйгээр хэрэглэнэ.
R- (Resistant to oil)-Тослог бус ширхэглэлтэй орчинд мөн хуурай тостой орчинд 8 цагаас хэтрэхгүйгээр хэрэглэнэ.
P- (Oil proof)- Тослог бус ширхэглэлтэй орчинд мөн хуурай тостой орчинд хугацааны хязгааргүйгээр хэрэглэнэ.
Европын холбооны EN149 стандарт
FFP1: хамгийн бага шүүх чадвар нь ≥80%
FFP2: хамгийн бага шүүх чадвар нь ≥94%
FFP3: хамгийн бага шүүх чадвар нь ≥97%
Австралийн AS1716 стандарт
P1: хамгийн бага шүүх чадвар нь ≥80%
P2: хамгийн бага шүүх чадвар нь ≥94%
P3: хамгийн бага шүүх чадвар нь ≥99%